Información económica

Nunha análise histórica constátase a redución da ocupación na agricultura. O 27,26% dedicábase a ela en 1991, reducíndose ao 11,88% en 2001. A taxa actual reduciuse froito da diversificación noutros sectores.

O sector que máis se favoreceu desta diversificación foron os servizos. Ocupaban o 33,41 % en 1991, ascendendo ao 40,65 % en tan só dez anos. A súa taxa de ocupación actual sitúan o sector como a rama principal da ocupación.

En canto aos outros sectores, a construción diminuíu desde o 20,25 % en 1991 ao 19,08% dez anos despois. A industria experimentou un ascenso da súa ocupación, sobre todo o que atinxe á industria manufactureira, pasando do 19,15 % no 1991 ao 27,98% de 2001.

Distribución da superficie territorial segundo o seu uso

Do cadro anterior despréndese que aumentou tanto a superficie de terras labradas como as terras dedicadas a pastos, en detrimento da destinada a forestal, mentres que se manteñen, en coherencia co mantemento do número de cabezas de gando bovino que se expoñía anteriormente.

Os cultivos principais que se realizan no concello de Ordes, do mesmo xeito que no resto da comarca, son os cultivos forraxeiros e os tubérculos.